Teny Anglisy - teny ofisialy ao Dago?

Nampidirin'i radotiana | 2 Mar, 2007

Voalaza tao amin'ny gazety novakiako androany fa nampiana ny hoe " ny teny malagasy, frantsay ary anglisy no teny ofisialy» ary «ny teny malagasy no tenim-pirenena» ny ao amin'ny andininy faha 4 ao amin'ny lalam-panorenana haroso hisafidianan'ny vahoaka amin'ny 4 Aprily.

Raha lany ny "Eny" dia hanomboka hahazo vahana ve izany ny fampiasana ny teny anglisy any Dago? Mety hahaliana ihany ny hanaraka ny fivoarany.


12 Hevitra & 0 Verindrohy (trackback) amin\'ny "Teny Anglisy - teny ofisialy ao Dago?"

  1. Gôdasy tsy antonona i Rado
    (Good afternoon)

    Vaovao tsara io raha izaho manokana no anontaniana satria raha asaina misafidy aho hoe inona : teny frantsay sa teny anglisy ? dia aleoko lavitra teny anglisy.

    Nampidirin'i maimaimpoana 02 Mar 2007, 17:31
  2. Misy hafatra nomeko anao any amin'ny namana serasera any ka jereo aza fady indrindra!

    Ny teny anglisy koa aloha no tiako kokoa fa izany hoe efa lasa ny teny frantsay moa no hay kokoa!

    Nampidirin'i jentilisa 02 Mar 2007, 19:53
  3. Misaotra an'i Jentilisa tsy nitelin-kafatra eh. Hihihi.

    Mbola tsy tara ny fianarana teny anglisy kah. Mijere horonantsary na mihainoa radio na hira amin'ny teny anglisy matetika raha azo atao.

    Ahoana moa ilay fitenin'ny olona:
    Ny an'ny tena ho andrianiko moa ny an'ny hafa ho feheziko. Tsy tadidiko tsara. Mazotoa.

    Nampidirin'i Rado 02 Mar 2007, 20:24
  4. Tsy rariny kosa e. De ahoana zany le Espaniola? Nefa io tena tenim-pirenana bonne be koa. hihihi

    Nampidirin'i Soanja 02 Mar 2007, 21:10
  5. " Hasta la próxima vez " ozy izy fa efa lasan'ny teny anglisy ny laharana fahatelo raha tsy mibolisatra.

    Nampidirin'i Rado 02 Mar 2007, 23:28
  6. Betsaka no faly amin'io. Anisan'izany ny filohan'ny fampianarana teny anglisy ao amin'ny Centre culturel américain. Efa faniriany efa elaela ihany io.

    Ny mampanahy ahy dia ny vola ho enti-manana azy io, satria raha ofisialy izany dia tsy maintsy hatao amin'ireo teny telo ireo izay rehetra hivoaka avy ao amin'ny biraom-panjakana, ary ny mpiasa ao amin'ny birao koa dia heverina fa hahay an'io teny io, dia tsy maintsy mahay teny anglisy ve izany izay vao ho tafiditra hiasa ao amin'ny fanjakana? ary iza no tena kendrena amin'izy io, ny sarabambembahoaka ve, sa iza marina? Betsaka ny fanontaniana tiako apetraka fa tsy zary ho voatanisa eto e.

    Nampidirin'i Su 03 Mar 2007, 12:34
  7. soanja> koa maninn koa tsy ampidirina ny teny japoney fa io no tena bonne?hihihi

    asa aloha raha tena ilaina tokoa izany rey olona fa resaka resaka ihany. teny frantsay aza tsy hay, koa ahoana izany ny fampianarana? sady teny anglisy no teny gasy no teny frantsay? koa tsy fanina ve ny zaza bodo am zany?

    Nampidirin'i miangaly 03 Mar 2007, 14:49
  8. miangaly > Raha ny fitsipiky ny teny, dia mora ianarana kokoa ny teny anglisy. Fa noho ny fahazarana izay no-imposer-na tamintsika, dia ny teny frantsay no lasa hay kokoa, na dia sarotra kokoa aza.

    Su > Ilay resaka hoenti-manana : ny prezidan'ny fokontany aza izao vao hampianarina hamaky teny sy manoratra ny antsasany mihoatra ko! Olona eo amin'ny 8000 isa eo ho eo izany. Any amin'ny antsasany mihoatra amin'ny malagasy izany dia tsy mahay mamaky teny sy manoratra ny olona, izany hoe tsy mbola voafehin'ny teny frantsay. Dia ny hoenti-manana amin'ny fampianarana amin'ireny aloha izany dia efa izy ... raha misy :)

    Ny mahafaly amin'io aloha, dia ny fivoahana ny fefin'ny teny frantsay ao anatin'ny tany an-dalam-pihemorana daholo fotsiny. Ny "resistance au changement" tsy maintsy misy, kanefa mitombina izay raha nofoanana ilay teny frantsay. Raha entim-po manko izao dia izay tokoa no nalehany an!

    Rado,
    Teny filamatry ny akademia io "Andrianiko ny teniko, ny an'ny hafa koa feheziko" io. Fa toa isika indray no voafehin'ilay tenin'ny hafa ko :p

    Nampidirin'i lapino 03 Mar 2007, 15:31
  9. Lapino > indraindray koa aho alaim-panahy hihevitra fa ny hoe "...ny tenin'ny hafa ho andrianiko" no mahazo vahana ankehitriny.

    Azo antoka aloha fa tsy maintsy ho sahirana aty amboalohany. Ary betsaka ny fanovana sy fanofanana takiany.

    Raha ny eritreritro dia tokony ampidirina ho isan'ny taranjam-pianarana any amin'ny fanabeazana fototra koa izany ny teny anglisy. Sa efa manao an'izay moa ny any Dago amin'izao fotoana izao?

    Nampidirin'i Rado 03 Mar 2007, 20:55
  10. tsara ilay hevitra! isika malagasy ange mampiaiky ny olona amin'ny fahakingantsika mianatra teny vahiny e. Ka na ny 4'm aza moa mahavita mampita ny heviny amin'ny teny frantsay koh...(mampita ny heviny hoy aho, satria raha jerena amin'izy tsy nandia dabilion-tsekoly tsara ihany ny niveau-ny satria zatra manao garde la voiture-n'i madame sy mssieu izy koh. Ny ankizy vao manomboka mianatra no tena sambatra satria zareo mbola toy ny "éponge" izao, mandray izay rehetra ampianarina azy, ireto ben'ny fokontany no asa re hanao ahoana, tsy zareo irery ihany fa na ireto mpiasam-panjakana sy ny valalabemandry efa nahazohazo taona e, tsisy taona ny fianarana, fa na izany aza, mi-koinsa ihany e.

    Nampidirin'i ikalamako 04 Mar 2007, 06:24
  11. Tsara ilay hanombohana ny fianarana teny vahiny any amin'ny fanabeazana fototra araka ilay lazain'Ikalamako, fa tsy maintsy tena mahay tsara ilay fiteny ary mahay mampianatra tsara koa ny mpampianatra. Koa ho ampy ve ny mpampianatra hampianatra any amin'ny fanabeazana fototra, sa izay mahaihay kely dia asaina mampianatra. Ny fiheveran'ny be sy ny maro matetika dia hoe, mahay an'izao iny dia afaka mampianatra, ary koa hoe any amin'ny fanabeazana fototra tsy dia mila olona manam-pahaizana be, nefa iny anie no fototra e. Raha tsy mafy io dia hiozongozona ny trano. Io no efa nahatonga olona maro an'isa tsy mahafehy ny teny frantsay, sy ny teny anglisy koa. Asa ianareo raha mba mamaky takelaka tranonkala misy teny gasy sy frantsay ary anglisy. Ity fahatelo indraindray dia tena mahamenatra mihitsy.

    Nampidirin'i Su 04 Mar 2007, 13:31
  12. Izaho aloha dia anisan'ny manongo tena mihitsy rehefa mandeha amin'iny lalana mianantsimo iny e. Tana - Fianarantsoa - Tulear. Ny eo anelanelan'Ambositra sy Fianarantsoa raha tsy diso aho no tena misy teny anglisy tena mampangidihidy ny masoko ny mamaky azy. Goavana anefa ilay soratra. Soava Dia no tian-dry zareo handika teny anglisy. Tsy tadidiko ilay teny tena nandikana azy ka aleo aho tsy hiteniteny foana eto. Hihihi. Handalo eo indray aho afaka 3 herinandro d mba hiezaka ny hanome soson-kevitra ny tompon'ny hotely angamba raha azo atao.

    Mitovy amin'io hita ao amin'io hotely ao Ambositra io ihany koa no hita eo amin'ny toerana fitazantazanana iray amin'iny lalana iny ihany. Mety tsy misy azoko atao loatra ny momba ity anakiray ity aloha raha tsy hoe mandeha mitady izay tompon'andraikitra nanao azy. Ao Fianarantsoa ve sa ao Ambositra? Ohatran'ny hoe nifampianatra diso teo izany ry zareo. Io izany no hitan'ny vahiny mpitsidika an'i Dago isan'andro eo sady mipetraka any antsain'izay tia mamakimaky teny ohatra ahy.

    Asa ianareo na mba efa nahatsikaritra fa tena betsaka mihitsy ny teny nadika ara-bakiteny amin'ireny taratasy fenoina amin'ny hotely fandraisam-bahiny any Madagasikara ireny.

    Henjakenjana ihany aloha no ny zavatra takian'izany fanaovana ny teny anglisy ho tenim-pirenena ofisialy fahatelo ao Dago izany e.

    Mila maka traikefa any amin-dry zareo ao Mantasoa izay mpanofana ny Peace Corps Volunteers angamba ny fanjakana.

    Nampidirin'i Rado 10 Mar 2007, 08:41