AF(o)RI(a)KA - Mivaivay tsy mety ho tony

Nampidirin'i radotiana | 1 Des, 2008

Tsy misy sary ny androany fa notagevan'i Kdaomba dia voatery hanoratra fohy ny amin'ny fahitako an'i Afrika. Misamboaravoara be tsy mety ho tony io kaontinantantsika io. Be ny antony tsy mampandroso azy fa ireto ny ahy no mba tsikaritro:

 

  •  Matahotra ny tena atao hoe demokrasia ny ankamaroan'ny mpitondra Afrikana ka dia ampangininy ny vavan'ireo izay sahy manankiana na manohitra. Ampidiriny amponja na alefany sesin-tany ankolaka na mivantana ireo mpanohitohina ny fitondrany. Nisy mihitsy aza moa ireo nahasahy namono nahafaty.

  • Tsy te hiala eo amin'ny fitondrana mihitsy ireo mpitondra Afrikana. Raha mbola azony atao koa aza ny hijanona eo mandra-pahatapitry ny fofonainy dia izay no imatimatesany. Ovainy na tovanany daholo izao lalam-panorenana rehetra izao mba hanamafisany ny fahefana eo ampelan-tanany. Be izay mpitondra nahavelom-panantenana tao Afrika tao izay fa rehefa ela nitondrana nivadika ho biby masiaka mampatahotra ihany. Jereo fotsiny ohatra ny adin'dry Mobutu Sese Seko tao Congo. 32 taona ngarangidina no nibodoany ny fahefahana. Vao tsy ela akory izay ry Robert Mugabe ao Zimbabwe no nalohan'ny safidim-bahoaka fa mbola nitady irika hifaharana ihany tamin'ny tsy nanekena ny vokam-pifidianana dingana voalohany. Tsy te hahalala izay hevitry ny firenena manodidina fa rehefa hoe izy hono no lany dia izy izany no lany. Mbola tantara mitohy moa ny aminy... 

  • Mangoron-karena araka izay azony atao koa ny mpitondra Afrikana.  Alainy ny tany mahavokatra sy be harena ankibon'ny tany. Ovainy ny rafi-pitondrana sy ny fitantanana misy mba hanomezany tombon-dahiny ny fiharinkareny. Jereo fotsiny ohatra ny adin-dry ...

  • Vohiziny ankolaka ny tsy fitoviana ara-poko sy fihaviana. Ialahy Tutsi, izahay Hutu, ...tsy mba havelany hahatsapa ny vahoakany fa ra mena daholo ihany anie no mikoriana ao anatin'ny tsirairay.

  • Mbola lava ny lisitra fa aleo mba ianao indray no manohy azy aneritreritra

Aza omena enti-mody intsony aho ry Kdaomba fa lasa mampite-hivangabao :-)

 

VITA TOMPOKO 


11 Hevitra & 0 Verindrohy (trackback) amin\'ny "AF(o)RI(a)KA - Mivaivay tsy mety ho tony"

  1. yep yep !
    Zaza hendry daholo ny blaogista.

    Mahari-pery foana koa ny vahoaka afrikana, ka efa halohalika foana ny ranom-bary vao mihoitra.

    Nampidirin'i ikalamako 01 Des 2008, 12:56
  2. Misaotra betsaka Rado a ! En gros : TIAKELY sy TIA TENA ny mpitondra afrikana.

    Nampidirin'i Kdaombaramita 01 Des 2008, 14:54
  3. kdaomba : tia kely be sy tia tena be zareo, tsisy kely mihintsy - tsss

    Nampidirin'i ikalamako 01 Des 2008, 17:31
  4. Ikalamako:
    Miaritra eo aloha ny vahoaka afrikana dia avy eo mitroatra amin'izay fa nisy nahavelom-panantenana, afaka taona vitsivitsy anefa dia miverina miaritra indray.

    Nampidirin'i radotiana 01 Des 2008, 23:50
  5. Kdaomba,
    Izaho tsy nahasahy nanome enti-mody ny hafa fa ialana tsiny :-)

    Nampidirin'i Rado 01 Des 2008, 23:55
  6. "Matahotra ny tena atao hoe demokrasia ny ankamaroan'ny mpitondra Afrikana

    Tsy te hiala eo amin'ny fitondrana mihitsy ireo mpitondra Afrikana

    Mangoron-karena araka izay azony atao koa ny mpitondra Afrikana."...

    Marina dia marina ary tena ilay raika lahy eo @ fitondrana @zao no tonga dia ato antsaiko!!

    Nampidirin'i maintikely 02 Des 2008, 00:59
  7. Rado < tsy maninona fa efa tapitra izay ny 2 semaines e ! izay ihany mantsy no faharetan'izy ity.

    Nampidirin'i Kdaombaramita 02 Des 2008, 08:31
  8. Maintikely,
    Tafalatsaka ao anaty lasitra izany izy raha izany fahitanao azy izany. Tokony mba hanova famindra amin'izay mba miavaka sa ahoana?

    Nampidirin'i Radotiana 02 Des 2008, 22:51
  9. otran'ny mifandraika doly le izy ee:

    manomboka @ hoe manao ny tsy mety, mangoro-karena @ tsy ara-drariny... dia voatery manao izay hijanonana ela eo @ fitondrana mba tsy handroban'ny sasany ny sosy azo...

    moa koa, matsiro ny "pouvoir" ee... Ny ankamaroan'ny mpitondra afrikanina nanomboka t@ bonnes intentions doly fa nivadika tsikelikely avy eo :)

    mbola ho avy ilay maraina ozy kdom zay, aza kivy ;-)

    Nampidirin'i simp 02 Des 2008, 23:01
  10. Simp,
    Efa lasa misy "Pattern" eh. Raha tsy misy mahasahy mi-break an'io Pattern io dia mbola ho tafalatsaka ho azy ao daholo ihany izay mpitondra vaovao hiakatra eo.

    Nampidirin'i Radotiana 03 Des 2008, 00:40
  11. Namaky gazety aho omaly dia hoy ilay mpanoratra tao hoe Fanonganam-panjakana, Fangalaram-bato amin'ny fifidianana ary fanjakan'olon-tokana no azo amaritana ny rafi-pitondrana saika manerana an'i Afrika.

    Nampidirin'i Radotiana 09 Des 2008, 18:32