Hazakazaka arahin-tosika

Nampidirin'i radotiana | 22 Sep, 2006

Tadidiko indray mandeha izay nisy fifaninana "hazakazak'Apondra" tao Mahamasina. Henoko hoe misy midongy hono ny apondra sasany rehefa akaiky ho tonga any amin'ny farany. Mety hitovitovy amin'izay ihany angamba ity natrehanay herinandro vitsivitsy lasa izay ity:

Biby fiompy antsoina hoe "Llama" no tarihin'ny mpifaninana mihazakazaka miaraka aminy ao anatin'ny halaviran-dalana mirefy 4, 82 km (3 miles). Miampita renirano in 4 izy ireo amin'izany. Misy fiakarana sy fidinana ny lalana tsy maintsy izorana. Alaivo sary antsaina.  21 minitra ny zava-bita tsara indrindra hatramin'izao. Efa ampolontaonany no nisian'ity fifaninanana ity hono.

 

Tanana fitrandrahana volamena tamin'ny andron'ny Cowboys no mikarakara ity fifaninanana ity ka dia nisy ny fampisehoana ny mety ho endriky ny fiainampiainan'ny olona tamin'izany andro izany.

 

Duel

Mampihomehy ahy ny mandinika an'ity sary farany eto ambany ity. Azo lazaina fa nifandona ny "lasa" sy ny "Ankehitriny" eto.

Vita tompoko.

Post ao anatin'ny Ankapobeny | Hevitra (5) | Verindrohy (trackback) (0)

Mahay mitady vola ny olona!

Nampidirin'i radotiana | 8 Sep, 2006
  Fetin'ny "Labor day" moa taty amin'ny bekintana tamin'ny faran'ny herinandro lasa teo. Nitohy hatramin'ny Alatsinainy teo ilay izy dia mba nandeha nihodikondina tany rehetra tany izahay. Nisy ramatoa izay ary tonga dia nanao be fiavy be nanatona ahy sady nilaza hoe " Smile, God loves you", " (Mifalia/mitsikia, Tia anao Andriamanitra" sady namoaka auto collant (sticker) misy an'io soratra io izy. Nanolotra karatra plastika fotsy  misy ny momba momba azy sy ny vadiny ahy koa izy nony avy eo. 

 

  Nony tonga taty antrano dia nalaim-panahy aho hijery hoe inona marina no zavatra voizin'iny ramatoa iny dia nandeha tamin'ilay tranokala www.blessitt.com voasoratra tao anatin'ilay karatra nomeny ahy. Resaka fivavahana moa izany no tao mazava ho azy fa ny tena nanaitra ahy dia nisy rohy (link) iray izay tao nilaza fa handefa hazofijaliana hihodidina ny planeta tany any ambony tsy taka-maso any hono ry zareo (Launch of the Cross in Space). Notsindriko ilay rohy dia iny aho no lasa tafa-findra tany amin'ilay tranokala hoe azo anarahana ny fandefasana an'ilay hazofijaliana 

 

http://www.memorialspaceflight.com/  

 

  Nony tafiditra tao amin'ity tranokala ary aho dia tsy ilay resaka fandefasana hazofijaliana intsony indray no nahaliana ahy fa resaka hafa mihitsy. Ity orinasa iray ity mantsy hono dia misahana ny fanatanterahana ny nofinofin'ireo maty na koa hoe fanomezam-boninahitra azy ireo ka ny ampahany amin'ny lavenon'ilay olona maty no alefa misidina miakatra any ambony tsy taka maso any. Arakaraky ny vola foin'ny fianakaviana ho laniana  no mametra ny toerana handehanan'ilay lavenona.

 

  Ireto toerana efatra amin'ny sary etsy ambany no aroson'izy ireo handehanana. Arakaky ny halavirana sy ny lanjan'ilay lavenona halefa ny halafony. Manomboka eo amin'ny $495 (1.054.092,6 Ariary)  ka hatramin'ny $12500 (26.618.500 Ariary) eo izany ny saran-dalana.

 

  

Boaty kely tahaka ireto no asiana ireo lavenona.

Miverina amin'ny fianankaviana ihany moa ilay lavenona rehefa tafaverina soamantsara ety ambonin'ny tany.  Gaigy be ilay bizna kah. Mahay mitady vola ny olona.

 

Post ao anatin'ny Ankapobeny | Hevitra (4) | Verindrohy (trackback) (0)